Fire cracker flower, ಕನಕಾಂಬರ ಹೂವು

 ನಮ್ಮ ಕಡೆ ಕನಕಾಂಬರ ಹೂವಿಗೆ ಅಬ್ಬಲ್ಲಿಗೆ ಹೂವು ಎಂದು ಕರೆಯುತ್ತಾರೆ.

ಇವತ್ತಷ್ಟೇ ಈ ಹೂವಿಗೆ fire cracker flower ಎಂದು ಕರೆಯುತ್ತಾರೆಂದು ತಿಳಿಯಿತು.

ಈ ಹೂವಿಗೂ ಪಟಾಕಿಗೂ ಏನೂ ಸಂಬಂಧವಿಲ್ಲ !!!

ಆದರೆ ಇದರ ಬೀಜ ಪ್ರಸಾರ ಕ್ರಿಯೆ ಯಿಂದ ಈ ಹೆಸರು.

ಅಬ್ಬಲ್ಲಿಗೆ ಹೂವು ಬೆಳೆಯುವುದು ಒಂದು ರೀತಿಯ ಸಿಲಿಂಡರ್ ಮಾದರಿಯಲ್ಲಿ.

ಮೆಟ್ಟಲುಗಳಂತೆ ಇರುವ ರಚನೆಯಲ್ಲಿ ಮೇಲೆ ಹೂವುಗಳಿದ್ದರೆ ಕೆಳಗೆ ಬೀಜ ಗಳಿರುತ್ತವೆ.

ಈ ಬೀಜ ಪ್ರಸಾರ ಕ್ರಿಯೆಯೇ ರೋಚಕ.

ಚೆನ್ನಾಗಿ ಬಿಸಿಲಿಗೆ ಒಣಗಿದ ಬೀಜಗಳು ಪಟಾಕಿ ಸಿಡಿಯುವಂತೆ ತಮ್ಮ ಕೋಶದಿಂದ ಸಿಡಿಯುತ್ತವೆ !!!!

ಆ ಹೊತ್ತಲ್ಲಿ ನಾವೇನಾದರೂ ಗಿಡದ ಬಳಿಯಲ್ಲಿದ್ದರೆ ಸಿಡಿದ ಬೀಜಗಳಿಂದ ನಮ್ಮ ದೇಹದ ಮೇಲೆ ಬೊಬ್ಬೆ ಗ್ಯಾರಂಟಿ  !!!

ಆದರೂ ಇಷ್ಟರವರೆಗೆ ಎಲ್ಲೂ ಹೀಗೆ ಆಗಿಲ್ಲ.

ಏಕೆಂದರೆ ಬೀಜ ಪ್ರಸಾರ ಕ್ರಿಯೆ ನಡೆಯುವುದು ಬಿರು ಬಿಸಿಲ ಬೇಸಗೆಯ ಮಧ್ಯಾಹ್ನ ದಲ್ಲಿ   !!!!