ಝಟ್ ಪಟ್ ಕ್ಯಾರೆಟ್ ಹಲ್ವಾ

 ಇದನ್ನು ನನ್ನ ತಾಯಿ ಜೊತೆ ಅಂತರ್ಜಾಲದಲ್ಲಿ ನೋಡಿದ್ದು.

ಬೇಕಾಗುವ ಸಾಮಗ್ರಿಗಳು 

ಹಾಲಿನ ಪುಡಿ                   1/4  ಕಪ್ 

ಹಾಲು                              1/2 ಕಪ್

ತುಪ್ಪ                                1 ಚಮಚ 

ಕ್ಯಾರಟ್                            2, ತುರಿದಿರಬೇಕು

ಸಕ್ಕರೆ                                1/4 ಕಪ್

ಮಾಡುವ ವಿಧಾನ 

ಮೊದಲಿಗೆ ಹಾಲಿನ ಪುಡಿ ಮತ್ತು ಹಾಲನ್ನು ಸೇರಿಸಿ ಪೇಸ್ಟ್ ತಯಾರಿಸಿಕೊಳ್ಳಬೇಕು.

ಬಾಣಲೆಯಲ್ಲಿ ತುಪ್ಪವನ್ನು ಬಿಸಿ  ಮಾಡಿಕೊಂಡು ತುರಿದಿರುವ ಕ್ಯಾರೆಟ್ ಸೇರಿಸಿ 2 ನಿಮಿಷ ದೊಡ್ಡ ಉರಿಯಲ್ಲಿ ಕ್ಯಾರಟ್ ಮೆತ್ತಗಾಗುವ ತನಕ ಹುರಿಯಿರಿ.

ನಂತರ ಉರಿ ಕಡಿಮೆ ಮಾಡಿಕೊಂಡು ಹಾಲಿನ ಪೇಸ್ಟ್ ತಯಾರಿಸಿದ್ದನ್ನು ಸೇರಿಸಿ ಮಗುಚಬೇಕು.

ಇದಕ್ಕೆ ಸಕ್ಕರೆ, 2 ಏಲಕ್ಕಿ ಮತ್ತು ಒಂದು ಚಮಚ ತುಪ್ಪ ಸೇರಿಸಿ ಕೈ ಬಿಡದಂತೆ ಮಗುಚಬೇಕು.

ಎಕ್ಸ್ಟ್ರಾ ನೀರು ಹೋಗುವ ತನಕ ಮಗುಚಬೇಕು.  ಆದರೆ ಗಟ್ಟಿಯಾಗಲು ಬಿಡಬಾರದು.

ಈಗ ಕ್ಯಾರಟ್ ಹಲ್ವಾ ರೆಡಿ   !!!!