ತಟ್ಟಪ್ಪ ಮಾಡುವುದು ಹೇಗೆ?

                                              ತಟ್ಟಪ್ಪ ಮಾಡುವುದು ಹೇಗೆ?

ಟಿ.ವಿ.ಯಲ್ಲಿ ನೋಡಿದ ಇದರ ಬಗ್ಗೆ ಇವತ್ತು ಬರೆಯುತ್ತಿದ್ದೇನೆ.ನನಗೆ ತುಂಬಾ ಸುಲಭ ಎನಿಸಿದ ಕಾರಣ ಅದನ್ನಿಲ್ಲಿ ಹಂಚಿಕೊಳ್ಳುತ್ತಿದ್ದೇನೆ.

ಬೇಕಾಗುವ ಸಾಮಗ್ರಿಗಳು

ಕರಿಯಲು ಎಣ್ಣೆ

ತೆಂಗಿನಕಾಯಿ  ತುರಿ-ಸ್ವಲ್ಪ

ನೆನಸಿದ ಅಕ್ಕಿ-೩-೪ ಗಂಟೆಗಳಷ್ಟು -ಸ್ವಲ್ಪ

ಬೆಲ್ಲ-ಸ್ವಲ್ಪ

ಚುರುಮುರಿ ಅಥವಾ ಮಂಡಕ್ಕಿ-ಸ್ವಲ್ಪ

ಉಪ್ಪುರುಚಿಗೆ ತಕ್ಕಷ್ಟು

ನೀರು

ಅಕ್ಕಿ ಹಿಟ್ಟು-ಸ್ವಲ್ಪ

ಮಾಡುವ ವಿಧಾನ

ಮೊದಲು ಎಣ್ಣೆಯನ್ನು ಕಾಯಲು ಇಡಿ.ಈ ಸಮಯದಲ್ಲಿ ಒಂದು ಮಿಕ್ಸಿ ಜಾರ್ ಗೆ ನೆನಸಿದ ಅಕ್ಕಿ,ತೆಂಗಿನ ಕಾಯಿ ತುರಿ,ಬೆಲ್ಲ, ಮಂಡಕ್ಕಿ,ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಬೇಕಾದಲ್ಲಿ ಸ್ವಲ್ಪ  ನೀರು   ಸೇರಿಸಿ ನುಣ್ಣಗೆ ರುಬ್ಬಬೇಕು.ನಂತರ ಈ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ ಅದಕ್ಕೆ ಸ್ವಲ್ಪ ಅಕ್ಕಿ ಹಿಟ್ಟು ಸೇರಿಸಿ ಗಟ್ಟಿಯಾಗಿ ಉಂಡೆಗಳನ್ನಾಗಿ ಮಾಡಬೇಕು.ನಂತರ ಈ ಉಂಡೆಗಳನ್ನು ವಡೆಯಂತೆ ಕೈಯಲ್ಲಿ ತಟ್ಟಿ ನಂತರ ಅದನ್ನು ಕಾದ ಎಣ್ಣೆಯಲ್ಲಿ ಕರಿಯಬೇಕು.ಈಗ ತಟ್ಟಪ್ಪ ತಿನ್ನಲು ರೆಡಿ.